2 НЧЕ СЫЙНЫФ ӨЧЕН
ТАТАР ТЕЛЕ ДӘРЕСЕНЕҢ
ПЛАН-КОНСПЕКТЫ
УКЫТУЧЫ: Сөләйманова Наилә Тәлгать кызы
ТАТАР ТЕЛЕ-2
ТЕМА. Й хәрефе.
МАКСАТ. 1. Укучыларны й хәрефе кергән сүзләрне дөрес итеп язарга өйрәтү.
2. Укучыларның сөйләмнәрен баету.
3. Укучыларда хезмәткә, хезмәт кешесенә хөрмәт тәрбияләү.
ДӘРЕС ФОРМАСЫ. Дәрес-презентация
ҖИҺАЗЛАУ. 1.Алфавит.
2. Җөмлә төзү өчен рәсемнәр
3. Компьютер, мульти медиа пректоры.
4. Слайдлар:
МАТЕРИАЛ. 1. А..Х.Нуриева.Татар теле. (2-сыйныф өчен дәреслек)
2. К.В.Закирова. Иң матур сүз. (уку китабы)
3. 1-4нче сыйныфлар өчен диктантлар җыентыгы.
4. 1-3-сыйныфлар өчен татар теленнән язма эшләр җыентыгы
ДӘРЕС ПЛАНЫ
I. ОЕШТЫРУ ӨЛЕШЕ.
1. Укучыларны дәрескә әзерләү.
2. Дежур укучының бүгенге көн турында рапорты.
II. [й ] АВАЗЫ ҺӘМ Й,й ХӘРЕФЛӘРЕ ТУРЫНДА УКУЧЫЛАРДАН МӘГЪЛҮМАТ АЛУ.
-Экранда сез нинди хәреф күрәсез?
-Бу хәреф һәм ул хәрефне белдергән аваз турында сез нәрсәләр әйтә аласыз?(укучыларның җаваплары).
- Бүгенге дәрестә без сезнең белән Й хәрефе иленә сәяхәт итәрбез. Сәяхәтебез вакытында без язарбыз, укырбыз, төрле биремле күнегәләр эшләрбез.
III. Й ХӘРЕФЕ ИЛЕ БУЙЛАП СӘЯХӘТ.
МАТУР ЯЗУ ТУКТАЛЫШЫ.
1 Й,й хәрефләрен язу.
И хәрефенең өстенә
Сызсаң әгәр ярымай.
Кыска и хәрефе
Килеп чыга шулай.
- 1-юл- баш Й хәрефен язу;
- 2-юл- юл й хәрефен язу;
- й хәрефенә сүзләр язу(алдан язып бетерүче укучылар өчен);
ТАБЫШМАКЛАР ТУКТАЛЫШЫ.
1. Экрандагы табышмакларга җаваплар табу, экрандагы рәсемнәр буенча җавапларны тактага (калган укучылар дәфтәргә) язып бару .
1. Төнлә калка, 2. Аяксыз, кулсыз өй саклый.
Көндез югала. (йозак).
(ай)
3. Бер кошым бар: тынмый, 4. Бәләкәй генә ак тана,
Агачка оя кормый. Борыным бар. дип мактана.
Өе- җирдә, (чәйнек)
Җыры- күктә.
(тургай)
5. Әйләнгән саен калыная. 6. Ике оч, ике балдак,
(йомгак) Уртасында бер кадак.
(кайчы)
2. Сүзләрне уку, й хәрефенең сүзләрнең кайсы урыннарында килүен ачыклау.
-Игътибар белән карагыз әле, бу сүзләрнең барысында да й хәрефе бар. Алар сүзләрнең кайсы урыннарында килгән? (укучыларның җаваплары).
3. Дәреслектән кагыйдәне уку.
Нәтиҗә: Й хәрефе сүзләрнең башында, уртасында һәм ахырында килә.
ЯЛ ИТҮ ТУКТАЛЫШЫ.
Ишектә йозак тора,
Кем ача, кем бора.
Боргалаштыргалыйбыз.
Сугып-сугып карыйбыз,
Һаман ача алмыйбыз.
Ачкыч таптык, ишекне ачтык.
САЙЛАП АЛАБЫЗ ТУКТАЛЫШЫ
1. Тактада эленгән рәсемнәрдән й хәрефе кергән сүзләр кертеп җөмләләр төзү.(телдән)
2. Экранда бирелгән текстлардан й хәрефе кергән сүзләрне генә сайлап язу, й хәрефе астына сызу.
БЕЗНЕҢ ГАИЛӘ.
Әткәй, әнкәй, мин, апай, әби бабай һәм бер песи-
Безнең өйдә без җидәү: безнең песи-җиденчесе.
Г.Тукай.
ХӘЙДӘР.
Хәйдәр- акыллы малай. Ул өйдә әнисенә булыша. Су алып кайта. Энесен уйната. Хәйдәрнең әнисе шатлана.
2. Текстларның берсен сайлап алып үзең турында телдән хикәя төзү.
3. Хемәтне ярату, гаилә членнарына хөрмәт турында әңгәмә.
УЙНАП АЛАБЫЗ ТУКТАЛЫШЫ.
1. Артык сүзне тап уены.
Әби, бабай, малай, апай, абый.
Айнур, Айгөл, Айзирәк, Алсу.
2. Күп сүз яса уены.
Ислемай сүзеннән яңа сүзләр ясау.
3. Күзләрне ял иттерү күнегүе.
АЛГА БАРАБЫЗ ТУКТАЛЫШЫ.
1.Экранда язылган йо һәм йө кушылмалары кергән сүзләрне уку
Йөзек, йомыш, йорт, йөзем, йөрәк, йокы.
2. ЙО һәм ЙӨ кушылмаларының сүз башында гына килүен ачыклау.
3. Нәтиҗә чыгарганнан соң дәреслектән кагыйдәне уку.
4. Беренче баганага йо , ә икенче баганага йө кушылмалы сүзләрне язып кую, һәр баганага берәр сүз өстәп язу.
- Ә менә кайсы сүзләрдә йо, кайсы сүзләрдә йө кушылмалары язылуын без инде киләсе дәресләрдә күнегүләр эшләп ачыкларбыз.
4. Өй эше. .(экранда бирелә)
92 нче күнегү.
-сүзләрдән 4 җөмлә төзеп яз;
-бирелгән сүзләрне кертеп кечкенә генә хикәя төзеп яз;
IV. ДӘРЕСНЕ ЙОМГАКЛАУ, БИЛГЕЛӘР КУЮ.
-Бүгенге дәрес сезгә охшадымы? Дәрестә без нәрсәләргә өйрәндек?һ.б
Меню / Сведения о школе / Наш музей / Наши учителя / Спорт / Наши достижения / Воспитательная работа
/ Наши координаты/ методические разработки / фотогалерея/ новости